عفراء علوي محمدي- كود//
علنات وزارة التربية الوطنية والتكوين المهني والتعليم العالي والبحث العلمي، اليوم الخميس، على تفعيلها لنظام خدمة Teams لتفعيل الأقسام الافتراضية.
وحسب بلاغ للوزارة صدراتو اليوم، واطلع “كود” على نسخة منو، فباش يكون تكافؤ ديال الفرص بين القطاع العام والخاص، غيتمكنو التلاميذ ديال البريفي من استعمال هذ الخدمة المبرمجة فمنظومة مسار، بحالهم بحال المؤسسات التعليمية لوخرى.
وغيتم إنشاء اقسام افتراضية على مستوى كل مؤسسة، وغيتم فيها تعيين أستاذ الاقسام الافتراضية الخاصة بع، باستعمال البريد الإلكتروني الشخصي للأستاذ، حيت كل أستاذ غيتوصل فالبريد ديالو الإلكتروني على دعوة للتسجيل فمنصة Teams.
ودارت الوزارة دليل مفصل على هذ الخدمة، يمكن الاطلاع عليه وتحميله على البوابة الرسمية لمنظومة مسار https://massar.men.gov.ma .