أسماء غربي -كود//
الكوميدية كوثر بامحمد المعروفة كثر ب”بامو” مقاداها فرحة حيت غلاضت وتزادت في الوزن.
كوثر لي خدامة مع طاليس ورباعتو حطات البارح تصويرة في إنستكَرام وقالت فيها “شوف شكون غلاض”.
وفي ردها على أحد التعاليق على الوصفة باش يربيو حنيكات بحالها كتبات ليهم “الفقصة والأعصاب لاااا”، في إشارة زعما لانه الا بغيتي تغلاض خاص الدم يكون بااارد.
وكانت ديما كوثر كدير ملاحظات على لاطاي ديالها لأنها صغيرة لدرجة حطات صور في عمرها 9 سنين وقالت أن النمو وقف تما، واخة دابا عندها 22 عام.
