كود سبور//
تأهل فريق شباب المحمدية إلى ثمن نهائي كاس العرش بعدما ربح يوم الجمعة 29 مارس 2024، الضيف ديالو يوسفية برشيد فسدس عشر النهائي.
وقدرو شباب المحمدية يريحو يوسفية برشيد فتيران البشير فالمحمدية، فماتش سالا بنتيجة 4 لواحد لمصلحة ولاد فضالة، اللي تكاليفاو لثمن النهائي وولاد حريز تقصاو.
وعن نفس الدور وفنفس التوقيت، قدر فريق أولمبيك خريبكة يربح الدفاع الحسني الجديدي، ويتأهل إلى ثمن النهائي، وسالا الماتش بين الخريبكيين والدكاليين بنتيجة 2 لواحد.