هناء ابو علي-كود//
حصلت “كود” على مسودة قانون رقم 44 .18 المتعلق بالخدمة العسكرية من اعداد ادارة الدفاع الوطني .
مشروع القانون اللي اثار الجدل منذ اعلان الحكومة عنع تبعا لاوامر ملكية جا ف الديباجة ديالو انه كايتسند على المادة 38 من الدستور اللي كتقول بلي من واجب كاع المواطنين الدفاع عن الوطن و يستثني من الخدمة العسكرية بشكل مؤقت اللي ماعندوش الشروط الجسدية الصحية و اللي كايصرف على عائلته و المتزوجات و اللي مقابلات الولاد و اللي متبع قرايته و اللي عندو اخ او اخت ف الخدمة العسكرية قبل منه بحيث ان واحد الفرد فقط من الاسرة اللي غادي يدوز العسكر.
القانون كايقول ايضا انه ماكيطبقش على اعضاء الحكومة و البرلمانيين و شي موظفي الدولة و الي مدوز الحبس اكثر من 6 اشهر. اما مدة الخدمة فهي 12 شهر و كتبدا من 19 عام حتى ل 25 عام و اللي عندو اكثر من 25 عام و مادوزهاش بسبب القراية يقدر يدوزها اي وقت حتى يوصل 40 عام.
و اللي ماستجاب للاستدعاء يقدر يتحبس من شهر حتى 3 اشهر و غرامة مابين 2000 حتى ل 5000 درهم دائما حسب مواد المسودة اللي من المنتظر ان البرلمان غادي يوافق على المشروع اللي غادي يغير بزاف ف تركيبة جيل الشباب المغربي الحالي.