كود سبور//
غيضطر المغرب التطواني باش يواصل البحث على تيران للي يلعب فيه هاد المرة ماتش سدس عشر نهائي كأس العرش مع الوداد الرياضي، ولكن خاصو يقلب برا كازا اللي صوفاتو فليماتش اللي فاتو وعطاتو تيران العربي الزاولي يلعب فيه، حيث دابا الخصم المقر ديالو بالدار البيضاء.
وتسبب نقل ماتش ترتيب كأس العالم للأندية من الرباط لطنجة فاستمرار المغرب التطواني فاللعب خارج تيران سانية الرمل، حيث هاد التيران موضوع رهن إشارة الفيفا باش يتدربو فيه فرق الموندياليتو، وبالتالي الفريقين اللي غيلعبو على المركز الثالث السبت الجاي فتيران طنجة، غيتدربو فتيران سانية الرمل يوم الجمعة.
وكتستمر غرائب البرمجة فكرة القدم المغربية، حيث إلى حدود الآن مازال ما تعرف فين غيتلعب الماتش ما بين الوداد الرياضي والمغرب التطواني فسدس عشر نهائي كأس العرش وتم الاكتفاء بتحديد الجمعة المقبل كموعد الرجاء اللقاء فقط، علما أن المغرب التطواني كان كيستضف ليماتش ديالو فتيران العربي الزاولي فكازا ملي تسد تيران سانية الرمل فتطوان باش يوجدوه للموندياليتو.
