وكالات//

بارطاجاو بزاف ديال الناس على السوشيال ميديا واحد الفيديو خايب ديال واحد الكاميو كبير طاح من فوق واحد القنطرة.

هاد الفيديو تصور فجنوب إفريقيا وكيبين اللحظة لي دفعات بيها الرياح القوية بزاف الكونطونيرة حتى لاحتها من فوق القنطرة.

@Morbidful Truck blown off Du Toitskloof bridge, South Africa. pic.twitter.com/SUVznbM8hM

— Jaco van der Byl (@LAGacre) April 7, 2024

كيجي هادشي في الوقت لي كتعيش فيه البلاد جو خايب بزاف، بسباب عاصفة قوية كتضرب جنوب إفريقيا، تسببات ف اقتلاع الأشجار والسطوحة ديال المباني.

على حساب ماقالت السلطات ديال البلاد، فالحادثة ممات فيها حد، وفلتو من الموت ديال بصح، وغير 3 ديال الناس لي تصابو إصابات خفيفة.