وكالات //
نجا مواطن سعودي من موت محقق بعدما طاح الصخر من الجبل بعد مدة قصيرة باش داز بطوموبيلتو من مكان الانهيار.
هادشي طرا فمنطقة كتسمى “فيفاء” جنوب السعودية، اللي طاحت فيها شتا مجهدة مؤخرا ووقعات فيها حوادث مشابهة.
وقال المعني بالأمر أنه كان غادي فالطريق بشكل عادي، ووصل للبلاصة ديال الانهيار الصخري وبعدما داز بثواني قليلة طاح بزاف ديال الصخر اللي كان فوق الجبل، وزاد كَال بللي ” بدلت البوزيسيون ديال طوموبيلتي فالطريق قبل ما يطيح الصخر”.
السعودية دارت فيها الشتا ديال الصيف الروينة، وأغلب المناطق فيهم الفيضانات، بحال دول الخليج الأخرى، ومصالح الأرصاد الجوية تما خرجات بعدد كبير من النشرات الإنذارية على هاد المنزلة الخايبة باش الناس يردو البال.