عمـر المزيـن – مكتب الرباط//
هاد البزنازة ارجع صعيب بزاف تفهم فيهوم شي حاجة. مرة كيوظفو لبنات ومرة قوالب أخرى. هاد المرة بانت سيدة كبيرة ف العمر قالت ليك حتى هي كتبيع القرقوبي وهادشي فالعاصمة الرباط.
وحسب بلاغ ديال مديرية الأمن، فإن هاد الموقوفة جرى ضطبها من قبل المصلحة الولائية للشرطة القضائية بالمدينة.
التوقيف ديالها جاء بناء على معلومات دقيقة وفرتها “الديستي”، اليوم الثلاثاء. وتبين ان هاد السيدة عندها سوابق قضائية، وعمرها 60 سنة.
وأضاف المصدر أن هاد البزنازة اللي متورطة فالحيازة والاتجار ديال المخدرات والمؤثرات العقلية، جرى توقيفها على متن كار لنقل المسافرين كان جاي من الفنيدق. كما أسفرت عملية التفتيش، حسب المصدر نفسه، عن العثور بحوزتها على كمية من الأقراص المهلوسة تقدر بـ 2400 قرص من نوع ريفوتريل.