وكالات//

رجعات القضايا ديال التحرش الجنسي لفرنسا من جديد، والبطل ديالها دابا هو واحد الطبيب معروف، وهو شي لي خلا الفرمليات والطبيبات والعاملات في السبيطارات ديال فرنسا، يطلقو واحد الحملة كبيرة ضد التحرش.

غير هادي شي يامات نشر الجورنال ديال باري ماتش واحد لونكيط فيها شهادة ديال رئيسة قسم الأمراض المعدية في مستشفى سانت أنطوان في باريس، كارين لاكومب، لي كتتهم فيه الطبيب باتريك بولّو، المشهور بزاف، بالتحرش الجنسي.

هاد التحقيق، خلا بزاف ديال الطبيبات والعاملات في السبطار يطلقو واحد الحملة سميتها “مي تو” زعما “حتى أنا ” ضد التحرش الجنسي.

وطلبات جمعيات معروفة ضد التحرش الجنسي من أي وحدة سبق ليها تعرضات لشي اعتداء من هاد الطبيب أنها متسكتش وتعطي الشهادة ديالها ضدو.