27/04/2024 23:30
مؤتمر الاستقلال.. الروينة فتوزيع بادجات المجلس الوطني قبل التصويت على الأمين العام واللجنة التنفيذية -فيديو
أسماء غربي -كود//
الناس ديال الانستكَرام طلعوها على المغنية كوثر براني، لي قالت في تصريح صحافي أن المغاربة كاملين كيتسناوها إمتى غادي تحمل وتولد، والقضية لي بدات بالضحك تقلبات في الأخير.
عارضة الأزياء عبير أخت كوثر خرجات في سناب شات ودوات على القضية، وقالت أن الضحك خدا منحنى آخر وضر العائلة بزاف حيت طلعوها عليها بلا قياس، واعتبرت أن الحمل ماشي بيدها هي أو غيرها.
وقالت براني في مقطع فيديو انشتر البارح السبت على مواقع التواصل الاجتماعي، والدموع في عينيها أنها لا تستعطف الجمهور، وإنما سخرية رواد الفصاء الأزرق أثرت فيها حيت كتعاني من مشاكل صحية منعتها من الحمل.
كوثر والمغني هاني خطاب تزوجو هادي عامين، ومازال ماولدوش لأسباب ذكراتها براني فالفيديو، ولكن التابعة خايبة، ودابا المغنية دخلات في أزمة نفسية حيت قاسو ليها الوتر الحساس على حساب كلام ختها.
وكوثر دارت بوسط البارح فانستگرام، وشكرات الناس لي تضامنو معاها عوض يشدو فيها.
