كريم الشركي-كود///
طاقم برنامج سالبادوس (الناجون) اللي كيتبعوه الاسبان بشكل كبير على “لاسيكستا”، رد على ما أشيع حول اعتقاله فالمغرب ملي كانوا باغيين يصورو مع عائلات ضحايا معمل طنجة اللي غراقو.
الطاقم قال انه ماتعتاقلش ولكن كان كالس فكافتيريا قبل التصوير، وزادو أنهم ماصورو والو فالىوبورطاج ديالهوم حول ضحايا معمل طنجة، وكانو مازال ماهزوش معدات التصوير اصلا، وديكشي علاش ماطلبوش الترخيص مازال، ولكن البوليس جاو وطلبو منهوم يخرجو معاهم ومشاو معاهم للاوطيل وطلبو منهم يهزو حوايجهوم، ومن تماك ديريكت لبرشلونة يرجعو بحالهوم.
طاقم البرنامج قال أنهم ماكانوش عارفين أن ترخيص التصوير ضروري فالمغرب ديكشي علاش ماطلبوهش.
