كود سعيد الشاوي كازا ////
الحاكم العام في وزارة الاتصال المدعو عبد الاله تهاني ما عاقبش غير “كود” و”لكم” و”اخبار اليوم” و”اليوم 24″ يوم زيارة الوفد الحكومي للحسيمة الاثنين الماضي. الرجل اللي كيعتقد انه هو الوزير وان الوزير المعين مجرد دمية يدير فيه ما بغى حذف حتى وكالة المغرب العربي للانباء.
وفق مصادر “كود” فان هاد المراكشي اللي عندو تاريخ فهاد المدينة مع جوجت شركات تماك حيد لاماب حقاش ما عندوش مع مديرها خليل الهاشمي.
حسب مصدر “كود” فان الداخلية هي اللي خبرات وكالة المغرب العربي للانباء وجابت مراسليها ليلة قبل باش تدارك هاد الاقصاء.
المدعو تهاني مدير مديرية الاتصال والعلاقات العامة اللي طول بزاف فهمتو وولى كيوزع شهادات الانتماء الى الوطن للصحف وكيخوض حروب مع كل من يعارضه يعرف بحكم تاريخه كيفاش يدير هاد الحروب ما عندوش مع خليل الهاشمي.
واش هو موظف فالدولة ولا شي حاجة اخرى. راه على هاد القبال قلنا راه كيعتبر الوزير غير دمية عندو وانو محمي من جهات فالقصر.