كود هناء ابو علي ////
هاد التركي اللي عندو سلسلة مطاعم دابا فدبي فتركيا كيخدم 13 ساعة كيف قال فحوار سابق مع “ام بي سي”. مشى لميريكان وخدم فيها فابور غير باش يتعلم كيفاش كيدار الستيك فبلاد الستيك.
اليوم عندو 600 موظف كيسيرو 8 المطاعم ودابا كيوسع سلسلتو فالسعودية وبريطانيا وامريكا والمانيا. غير فميريكان ناض عليه الصداع حقاش كيقطع اللحم بيديه بلا ليگات. هاد الشي ضد القوانين المعمول بها فهاد البلاد. خاصك تقطع اللحم ويديك فيهم ليگات وما لابس لا طوانك لا ماگانا
طبعا عدد كبير من النجوم كلاو عندو بالاضافة الى رؤساء وملوك ورياضيون. كلا عندو ملك الاردن الملك عبد الله الثاني بن الحسين وزوجته الملكة رانيا العبد الله وتصورو معاه. كلى عندو بطبيعة الحال حاكم إمارة دبي الشيخ محمد بن راشد. كلا عندو النجم السينمائي المعروف ليوناردو ديكابري واللاعب الالماني من اصل تركي مسعود اوزيل ولاعب التنس الشهير السويسري رودجرير فيدرير والمغنية المعروفة ريهانا اللي لبسات كاع تي شورت فيه عبارة “Salt bae