نجوى المالحي-كود//
ملكة جمال العرب المغربية شروق شلواطي بدات مسلسل جديد من الرد على راجلها العراقي لي دار لايف الأحد كيتاهمها بتزوير الشهادة الطبية بعدما اعترف أنه فعلا ضربها ومشات من المانيا لباريس عند ختها. الزوج قال أنه دار العرس الاسطوري فالرباط حيت شروق هدداتو الا مدارش ليها العرس غادي تنتاحر، وزاد كحلها وقال انه مكانش راضي على لباسها.
بنت فاس تحزمات ليه وجاوباتو بستوريز طوال وعراض فيهم التفاصيل الكاملة على كيفاش ضربها وعلى النصب لي بغا يعرضها ليه، وكيفاش يالله اكتشفات من بعد عام ونص ديال الزواج أنه مطلق وان الضرب هو نفس السبب لي خلا مراتو الاولى تبعد منو.
وأكدات شروق أن لي مبززين عليه الزواج مكيكونش فرحان وينقز فوق العمارية وهادشي لي كيبان في الفيديوهات ديال اليوتوب لأن العرس حضراتو الصحافة.
الهضرة فالموضوع كثيرة بزاف وهي مازال متشبثة باش تكشف تفاصيل اخرى. وها الستوريز لي حطات في انستگرام ديالها.
