كود الرباط //

وجه عمر احجيرة، رئيس الفريق الاستقلالي بمجلس النواب بالنيابة (بلاصت مضيان للي جمد العضوية)، رسالة للبرلمانيين ديال الحزب، كيخبرهم بلي بطلب  من رئيس المجلس من اجل تسريع اختيار ممثلي الفريق ضمن اجهزة المجلس واستعدادا للجلسة العمومية المخصصة  لإنتخاب  هياكل المجلس  ، سيعقد  الفريق الإستقلالي إجتماعا بالقاعة 5 يوم الأربعاء 17 أبريل مباشرة بعد نهاية جلسة تصريح رئيس الحكومة.

الاجتماع غادي يترأسو الأمين العام لحزب الإستقلال الدكتور نزار بركة وفق جدول الأعمال التالي :

1/ كلمة الأمين العام بمناسبة بداية الدورة الربيعية.

،2/ إنتخاب ممثلي الفريق في هذه الهياكل المجلس ويتعلق الامر ب المهام التالية : النائب الثاني للرئيس ، محاسب المجلس، امين المجلس، رئيس لجنة القطاعات الانتاجية.سيخصص احد هذه المناصب لإحدى عضوات الفريق.

حاليا كاينين بزاف ديال المرشحين، لهاد المناصب الاربعة، منهم نافذين واعيان وفلاحين كبار، منهم اللي كبر فالمسؤوليات ومبغاش يتفك بحال عبد الصمد قيوح للي باغي يكون نائب رئيس مجلس النواب وخديجة الزومي للي بغات حتى هي منصب.

اما الاسماء الاخرى المسربة فغريبة، منهم بنت عبد الواحد الانصاري، واحد من اعيان الحزب عندو نفوذ تنظيمي حيث كيترأس سابقا جمعية هيئات المحامين.

بزاف د المرشحين غادي يخربقو الاستقلال، كولشي حقو من الوزيعة، فالمقابل الكفاءات خصوصا الشابة للي ضوسيهم نقي ومعروفين بالاجتهاد محاصرون من الاعيان. واش يقدر قيوح  ولا الزومي ولا الانصاري يفهمو مساج سيدنا ويخليو الطريق للكفاءات الجديدة ولا غايدخلو فمنطق الصراع والحروب غير باش يبقاو.

كاينين اسماء كفاءات مهمة وماعندهمش الوسخ، بحال عبد المجيد الفاسي،، محسن الطوب، فاطيمة بن عزك، عبد الرحيم بوعيدة، ماديحة خيير، خالد الشناق وغيرهم من الاسماء.

اما بخصوص رئاسة الفريق، غايكون تعيين من اللجنة التنفيذية فهاد المنصب، وطبعا صعيب يكون مضيان لأن اسمو مرتبط بفضيحة كبيرة متعلقة بالتسجيل الصوتي المهين في حق رفيعة المنصوري. ويلا داروه راه فضيحة كبيرة.

يشار بلي سيدنا هنأ الطالبي العلمي بمناسبة إعادة انتخابه رئيسا لمجلس النواب بمساجات قوية منها العمل على تفعيل الإصلاحات المجتمعية وتخليق الحياة البرلمانية والدفاع عن قضايا الوطن .