كود علي الصافي ////
قال اگناسيو سمبريرو صحافي “الكونفيدونسيال” المتخصص فالعلاقات المغربية الاسبانية فحوار مع “كود” ان المغرب باغي من الصبليون تقول موقفها الداعم من مشروع الحكم الذاتي للصحراء تحت السيادة المغربية علنا ماشي غير تبقى دعمو فالسر. واكد ان هاد الشي ما غاديش يكون.
كما تحدث عن مؤشرات كثيرة كترجح باللي الازمة الحالية بين الرباط ومدريد غادية تطوال.
الصحافي ذكر باللي كان اجتماع للجنة العليا المشتركة تأجل جوجت المرات والمرة الاخيرة كانت نهار 10 دجنبر اللي هو النهار اللي علن فيه رئيس امريكا حينها دونالد ترامب اعترافو بسيادة المغرب على الصحراء الغربية. كما اوضح فحوار غادية تنشرو كود هاد النهار٬ ان قرار المحكمة الاوربية فاواخر يونيو او يوليوز بخصوص اتفاقيات الشراكة واتفاقية الصيد البحري بين الاتحاد الاوربي والمغرب غادي يزيد يخلي الازمة تطوال. لانو٫ حسب سمبريرو٫ يقدر ما يكونش فصالح المغرب
تفاصيل الحوار بعد شوية
