هشام أعناجي ـ كود الرباط//
علمت “كود” من مصدر مسؤول بوزارة الصحة، أن عدد الحالات المصابة بفيروس كورونا ـ السلالة الهندية ـ هوما جوج حالات في العاصمة الاقتصادية كازا.
مصدر “كود” قال بلي كاين عمل كبير ومجهودات لا توصف من قبل وزارتي الداخلية والصحة، لاحتواء هذه البؤرة الصغيرة.
معطيات حصرية حصلت عليها “كود” تفيد بلي عدد المخالطين هوما 17 شخص، وكلهم مافيهمش كورونا.
ذات المصدر أكد لـ”كود” أن هاد جوج الحالات اللي تقاسو بالسلالة الهندية حالتهم مستقرة، وكاينين ف مستشفى عمومي بالدار البيضاء.
الوضعية متحكم فيها، كاينا مجهودات كبيرة لوزارتي الداخلية والصحة.
“كود” غاتعطيكم معطيات اضافية. في الساعات المقبلة.
دبا المغاربة خصهم يلتزمو اكثر والكثير من الحذر.
مسؤول بوزارة الصحة دار صرخة قبل مايسالي كلام مع “كود” وقال بخلاصة :”الحذر الحذر..كل واحد يبدا من راسو، يزير ويلبس الكمامة ويدير التباعد وينقص من خيطي بيطي”.
