رباب المالكي -كود//
المغني سعد لمجرد حط تصويرة هادي 3 أيام داخل لاصال كيتريني وبين العضلات وبان مغوبش زعما مركز مع لونطيرمو.
هاد التصويرة بان فيها على يدو آثار ديال التشراط، والمعجبين ماعطلوهش وكتبو ليه “طلعتي مشرمل” و”ضارب يدك بالزيزوار”، ومتتبعة قالت لو “ملي شفتك ضارب يدك بحالي زدتي عزازيتي عليا”.
سعد شداتو الدوخة وتلف، وحيد التصويرة وشوية عاود رجعها. هاد الدوخة خلات عوتاني الناس يشدو فيه.
ومن غير التشرميل، بزاف ديال المعجبات بقاو كيتغزلو فيه على العضلات حيت كان عريان من صدرو.