اسماء غربي – كود//
الحفلة لي دارت الماكيوز صونيا النكادي “ابيض في ابيض” وعرضات فيها على صحابها الفنانين والممثلين نوضات الصداع والروينة في الانستكَرام، حيت كان الشطيح سيكسي ومخلطة الدعوة وكانت الحفلة فيها الطاسة.
رواد الانترنت شدو فيديوهات ودارو عليهم تعاليق مسيئة، و هادشي خلا الفنانين والممثلين لي حضرو يطلع ليهم الدم، ومن حقهم حنا عايشين في 2019 وكل واحد حر فراسو، والشطيح والنشاط حسن من الظلام والتطرف.
النكادي قالت أن كلشي كان كيشطح بالفرحة ماشي بشراب، وندمات علاش كاع دارت هادشي حيت جبد عليها غير نحل والهضرة الخاوية ديال بنادم متزمت.