باستثناء شكايات جمعيات حماة المال العام اللي كيشكو فمصداقيتها.. القيادة الثلاثية للبام حطات شرط صارم لعضوية المكتب السياسي: ممنوع يكون محل متابعة قضائية من طرف مؤسسات الدولة
نجوى المالحي-كود//
دائما في مخلية بزاف ديال المكلخين والمتخلفين والمكبوتين، الاغتصاب والتحرش مرتبط بلباس المرا لي كيلصقو فيها الكبيرة والصغيرة، وولفو يلوموها على اي حاجة في مجتمع فيه ثقافة الاغتصاب ولوم الضحية حاجة عادية.
يعاود شي كلب يقول بأن الاغتصاب والتحرش سبابو العيالات وداك الشي اللي كيلبسو غادي نسب جد بوه…
Publiée par Ridouane Erramdani sur Vendredi 11 septembre 2020
فاجعة اغتصاب وقتل ودفن الطفل عدنان خلات الناس يوقفو عند هاد النقطة ويركزو عليها باش يزيدو يأكدو أن لي مجرم ومريض ومنحرف هو السبب ماشي الضحايا كيف ما كانو.
الاعلامي رضوان الرمضاني دار بوسط في هاد الموضوع في حسابو على فيسبوك، كتب فيه “يعاود شي كلب يقول بأن الاغتصاب والتحرش سبابو العيالات وداك الشي اللي كيلبسو غادي نسب جد بوه”.
التدوينة حظات بتفاعل من بزاف ديال الناس لي أكدو ما جا فيها.