وكالات//

ماتت واحد الأم ميريكانية بعد تقريبا شهر من ما كلات واحد الوجبة ديال السوشي، لقاو من بعد أن فيها واحد النوع ديال الشومبينيون مسموم بزاف.

على حساب ماقال الجورنال ديال نيويورك بوست، فهاد السيدة من نهار كلات هاد السوشي وهي كتتوجع ومرضات بزاف، حتى فارقات الحياة.

في التفاصيل ديال القضية، كيقول الجورنال أن هاد السيدة كلات السوشي عند واحد المحل مشهور في مدية مونتانا الميريكانية، وفيه واحد النوع ديال الشومبينيون سميتو “موريل” وكيستوردوه من الصين.

وقالو الأطباء أنه مباشرة بعدما كلات هاد السوشي تعرضات لتسمم خطير دمر ليها الكبد والكلوة ديالها، وبعد سيمانة من الصبر ماتت فالسبيطار.