كود كازا ///

علمت “كود” ان الصحافي الشهير خالد الجامعي قد توفي هاد الصباح فمدينة كازا. الراحل كان يعاني من مرض مدة طويلة وقدر يقاومو قبل ما استسلم اليوم.

الجامعي بصم الصحافة المكتوبة. ماشي حقاش كان رئيس تحرير “لوبينيون” الناطقة باسم الاستقلال وكان قيادي فهاد الحزب٬ بل من خلال حضورو فهاد المشهد بعد ظهور الصحافة المستقلة اللي كان ولدو بوبكر الجامعي احد مؤسسيها من خلال “لوجورنال”.

خالد الجامعي كان كيكتب عمود فهاد الجريدة اللي تحولات لمجلة ولعب دور فهاد المنشأة الاعلامية اللي خدم فيها عائلتو تقريبا. حمودة الجامعي الابن الاخر لخالد كان مكلف بالاقتصاد لفترة فيها.

شخصية مرحة معروف ببساطتو بقدرتو الرهيبة على تبسيط الامور المعقدة فالسياسة. طريقتو خلاتو محبوب عند ناس كثار