محمد سقراط- كود//
الإرهابي مكيجيش ويولي هاكة على غفلة وبلا مقدمات، بل كاين واحد التدرج لي كيسبق القيام بالفعل وإحدى هاد المراحل هي ملي كيولي الله يعمرها دار مكيدوي مع حد من الجامع للدار من الدار للخدمة ( فشي حالات لا)، الجامع ديال الدولة وهي لي مسؤولة عليه، وكن شي وحدين كيفلتو ليها وكيتسببو فالكارثة، ولكن فمدينة بحال مراكش فراه معروف للقاسي والداني أن المغرواي والمدارس القرآنية ديالو راه مفرخة للتشدد والتطرف، وهادشي بخبار موالين الوقت لي نهار كيحتاجوه كيلقاوه بحال ملي حتاجوه أيام التصويت على الدستور وفالإنتخابات، وأييه مزيان يكون واحد ديال موالين الوقت جامع عليه السفيين وملبدهم، عوض يتفرقوا الريح لي جا يديهم، ولكن هاد المعادلة ماشي ديما خدامة وضروري يفلتو من القطيع بعض الذئاب المنفردة بحال لي فخلية شمهروش.