نجوى المالحي-كود//
الرابور عمر السهلي المشهور بديزي دروس كيوجد ألبوم جديد. وكيف قال الأفكار والكلمات واجدين، دابا خاصو غير الوقت باش يدخل للاستدويو ويسجل.
مول “المتنبي” قال أنه عمرو مايطيح في تسريب شي اغنية ديالو لأنه مكيسمعها حتى واحد من غيرو هو والسيد لي خدام معاه فالستوديو، وواخا عشرانو كيبقاو كيطلبو فيه باش يسمعو قبل الجمهور ماكيقبلش.
اخر اغنية ديال ديزي دروس سميتها ” Air max” تسجلات وتصورات على طريقة الفيديو كليب العام لي فات، وخرجات هادي سيمانة، ووصلات لـ 2.7 مليون مشاهدة.
