كود///
توصلات إدارة إحدى المؤسسات البنكية فين كيتواجد الحساب البنكي ديال المجلس الإداري للرجاء الرياضي، بحجزين، اللول كيخص وكالة أسفار، كانت كتعامل مع الفريق الأخضر، من عهد الرئيس الرجاوي السابق محمد بودريقة، والثاني كيخص مالك أحد الشقق لي كاريها الفريق الأخضر لأحد الاعيبين ديالو.
وكان الحساب البنكي للمجلس الإداري للرجاء آخر حساب يستغله حسبان، الرئيس الحالي للرجاء، في التعاملات البنكية ديال الفريق ، بعدما تعرض حساب بنكي آخر كان في السمية ديال الفريق الأخضر للحجز حتى هو.
