وكالات//
علنات المغنية اللبنانية المعروفة أمل حجازي أنها تخلات على الحجاب ديالها لي دارتو هادي 7 سنين، وبالتالي لمحات بأنها غادي تتراجع على الاعتزال ديالها للفن.
وتبارطاجا البارح الخميس واحد الفيديو دار بوم فإنستغرام وفيسبوك، ديال أمل حجازي وهي كتغني واحد الاغنية قديمة ديالها وهي محيدة الحجاب.
أمل حجازي مدارت حتى بيان ولا بلاغ على الكونطات ديالها كتنفي ولا كتأكد هادشي ولكن بزاف ديال المواقع اللبنانية قالت ان الفيديو جديد.
وكانت حجازي علنات عام 2017 أنها غادي تلبس الحجاب وغادي تعتازل الفن، ومن بعد مشات كتغني الأغاني والأناشيد الدينية.
