كود سبور//
صدم الدولي المغربي خالد بوطيب الفريق السابق ديالو الزمالك المصري، وتوصل الأخير بالمنع ديالو من طرف المحكمة الرياضية الدولية من الانتدابات بسبب مستحقات اللاعب المغربي.
وتصول الزمالك المصري، بمراسلة من المحكمة الرياضية الدولية كتعلم فيها الفريق بأنه ممنوع من تسجيل اللاعبين ابتداء من الميركاتو الصيفي الجاي حتى يحل المشكل مع خالد بوطيب، اللي كيتسال للفريق مستحقات كتوصل إلى 2 المليون و 400 أورو.
وكيحاولو الزمالك دابا يلقاو شي صيغة مع اللاعب السابق للفريق خالد بوطيب باش يعطيوه المستحقات اللي كيتسال للفريق على مراحل.
