كود كازا ///

علمت “كود” ان القناة الفرنسية “فرانس 24” تعاقدات مع شركة كازاوية باش دير اشهار فلوحات اشهارية قبل اسابيع. الشركة بدات خدمتها ومشات عند شركات اللوحات الاشهارية فكازا وبدا التعلاق. وفق مصدر “كود”٬ تفاجئو برجال السلطة وقفو عليهم وسولوهم علاش وكيفاش ووو وفاللخر حيدو هاد الاشهار

وفق مصدر اخر ل”كود” فهاد الشي داروه لاعتقاد جهات ان القناة عندها مواقف ضد المغرب. طبعا هادي قراءة وصافي. راه تونس عندهم منها موقف والجزائر جراو عليها كاع ودول اخرى حتى هي. راها كتمثل موقف الدولة الفرنسية.

المهم ما تسمحش للقناة دير الاشهار وشركات تقولبو وضاع عليهم فلوس. ودابا خاص هاد الجهات تقول للشزكات شكون مسموح بيه وشكون اللي ممنوع يخرج فالاشهار وصافي.

هاد الشي طبعا هم غير اللوحات الاشهارية صافي.