كود عن اي 24 نيوز //

البارح وصل وزير الدفاع الاسرائيلي گانتس للرباط فزيارة رسمية فيها اليوم وغدا الخميس. المسؤول الاسرائيلي وصف فتصريح فمطار بن گوريون هاد الزيارة بالتاريخية وقال “بعد دقايق غادية تبدا رحلة هامة وتاريخية للمغرب. غادية تكون اول زيارة لوزير امن بصورة رسمية لهاد لبلاد”

يعني ان زيارات غير رسمية كانت قبل هاد التاريخ او قبل الاتفاقيات الابراهيمية كيف كتسمى بين اسرائيل ودول عربية منها المغرب.

گانتس تكلم على التعاون الثلاني وقال “غاديين نوقعو اتفاقيات تعاون. غاديين نستمرو بمواصلة تقوية العلاقات. اللي مهم بزاف فهاد الشي تكون الرحلة ناحجة”

المسؤول الاسرائيلي غادي يشوف اليون لوديي عبد اللطيف الوزير المنتدب المكلف بادارة الدفاع الوطني اللي معاه غيتم توقيع اتفاقيات تعاون وغادي يتلاقى مع وزير الخارجية والتعاون ناصر بوريطة

حكام الجزائر عندهم يومين غاديين يبقاو بلا نعاس. دارو كلشي باش تكون حرب مع المغرب ووالو. مع هاد التعاون غاديين يستغلوه باش يشيطنو المملكة ويستفزوها.

عودة لموضوع زيارة گانتس. راه الصحافيين الاسرائيليين جايين بزاف للمغرب باش يغطيو الحدث. بوريطة وصحاباتو اللي مكلفين بالتواصل عارضين على الاولى ولاماب ودوزيم وميدي 1 تي في”