كود اسماء غربي وهناء ابو علي الرباط /////

من حق نبيل بنعبد الله الامين العام لحزب التقدم والاشتراكية يتقلق ويقول باللي انتخابات اعضاء مجلس المستشارين اللي دازت نهار الجمعة الماضية “ُفضيحة كبرى” وباللي “لفلوس اللي ربحات” وباللي “70 بالمائة من اللي وصلو وظفو لفلوس. حسب المعطيات التي حصلت عليها “كود” فان قرابة 50 بالمائة من اعضاء هاذ المجلس اللي غادي يكون فيه يالله 120 كانوا اعضاء فالمجلس السابق، العدد يصل بالضبط الى 59 / شوفو اللائحة كاملة ناشراها كود”.

يعني هاد الانتخابات اللي غيرات الجماعات المحلية والجهات ما انعكساتش على المجلس. وفق المعطيات التي حصلت عليها “كود” فان حزبين اثنين رجعو بوحدهم 30 عضو يتعلق الامر بالاصالة والمعاصرة 15 وحزب الاستقلال 15 والاكثر اثارة ان الاتحاد العام للشغالين بالمغرب والاتحاد الاشتراكي كلشي اللي نجح فيه كان فالمجلس اللي كيعود للدستور القديم. الاول 3 والثاني 5 فيما عاد من حزب التجمع الوطني للاحرا 6 من اصل 8 اعضاء عندو فهاد المجلس.

من المفارقات المثيرة ففي زمن الحديث عن المناصفة ووو لم يصل الي مجلس المستشارين الا ست عضوات من اصل 120 اي 5 بالمائة وهادي بوحدها فضيحة كبيرة

الانتخابات اظهرت قوة بعض الشخصيات فحمدي ولد الرشيد منسق الجهات الثلاث للصحراء في حزب الاستقلال استطاع لمفرده ان يضمن للحزب قرابة 40 بالمائة من اعضائه 10 من اصل 27 اي ان ولد الرشيد اضحى القوة السياسية الرابعة بعد الاستقلال والبام والعدالة والتنمية. له نفس مقاعد الحركة الشعبية ومتفوق على التجمع الوطني للاحرار وباقي النقابات والاحزاب