29/04/2024 21:02
منين غادية تجيب الحكومة لفلوس لتمويل الزيادة فالاجور وواش غادية تزيد فالضرائب او تاخد كريدي؟ مسؤول ل”كود”: انهاك الميزانية خط احمر والاستدانة ما يمكنش وها علاش وما كاينة زيادة فالضرائب وها علاش تفكرنا الطبقة المتوسطة
الوالي الزاز -كود- العيون////
غادي تنعقد اليوم الثلاثاء 16 أبريل 2024، الجلسة المغلقة ديال مجلس الأمن الدولي حول الصحرا، واللي غاد يقدم فيها المبعوث الشخصي للأمين العام للأمم المتحدة لنزاع الصحراء، ستافان دي ميستورا إحاطة للأعضاء، بالإضافة لإحاطة أخرى يقدمها رئيس بعثة الأمم المتحدة في الصحراء “مينورسو”، ألكسندر إيفانكو.
هاد الجلسة المغلقة غاد يخصر ليها بالإضافة لستافان دي ميستورا والكسندر إيفانكو، الأعضاء ديال مجلس الأمن الدولي واللي عددهم 15 عضو، فيهم اللي عضو دائم وهادو معروفين بكونهم عندهم حق “الڤيتو”، و10 آخرين يتم انتخابهم للعضوية غير الدائمة لمدة سنتين.
بالنسبة للأعضاء الدائمين فيتعلق الأمر بكل من الولايات المتحدة الأمريكية وروسيا والصين وبريطانيا وفرنسا، بينما الدول العشر الأخرى اللي عندها العضوية غير الدائمة واللي غادي تكون حاضرة فهي كل من الجزائر والإكوادور وغيانا، فضلا عن اليابان ومالطا وموزمبيق وكوريا الجنوبية وسلوفينيا وسويسرا.
