الرئيسية > كود-تيفي > شيوتينگ تكساس. ترامب كيطالب بتأمين المدارس فميريكان عوض دعم أوكرانيا.. وخصومو: نتا أصلا كتدافع على لوبي السلاح ووقفتي ضد التقنين – فيديو
28/05/2022 21:00 كود-تيفي

شيوتينگ تكساس. ترامب كيطالب بتأمين المدارس فميريكان عوض دعم أوكرانيا.. وخصومو: نتا أصلا كتدافع على لوبي السلاح ووقفتي ضد التقنين – فيديو

شيوتينگ تكساس. ترامب كيطالب بتأمين المدارس فميريكان عوض دعم أوكرانيا.. وخصومو: نتا أصلا كتدافع على لوبي السلاح ووقفتي ضد التقنين – فيديو

كود – وكالات //

قال الرايس الميريكاني السابق دونالد ترامب أن من الأولويات اللي خاص تكون عند بلادو هي تمويل إجراءات خاصة بتأمين المدارس عوض تقديم مساعدات لأوكرانيا.

هاد التصريحات كانت فاجتماع ديال “الرابطة الوطنية للأسلحة” (NRA) فميريكان، وجات من بعد مقتل 19 تلميذ وسط مدرسة فولاية تكساس بالرصاص فجريمة كان موراها مراهق.

وزاد ترامب كَال بللي إيلا كانت ميريكان قادرة تصيفط الملاير ديال الدولارات لأوكرانيا، ف”خاصنا نتحركو ونديرو شي حاجة باش نحافظو على سلامة وليداتنا فالداخل”.

وقال الرايس السابق: “صرفنا تريليونات فالعراق وأفغانستان بلافايدة.. وماخدينا والو”.

وعاود أكد فكلامو على أن: “قبل ما نبنيو بقية العالم، خاصنا نبنيو مدارس آمنة لوليداتنا وسط بلادنا هنا”. وذكر تفاصيل أخرى منها ضرورة تجهيز وتحصين بنايات المدارس وتدار حراسة من البوليس عليها وحتى الترخيص للأساتذة بحمل السلاح…

وفالمقابل تعرض ترامب لانتقادات كثيرة واتهامات بالضوبل ديسكور فهاد قضية “تقنين بيع واستعمال السلاح”، مع كل جريمة كتوقع كيبدا يتناقض فكلامو، خصوصا وهو المعروف بدعم والدفاع على لوبي شركات الأسلحة فميريكان، وففترة ولايتو الرئاسية وقف ضد المطالب الخاصة بفرض قيود جديدة على الشرا ديال السلاح واستعمالو والرخص الخاصة به.

وصوت الكونكَرس الميريكاني، فوقت سابق هاد الشهر، بأغلبية كبيرة لصالح تقديم مساعدات عسكرية لأوكرانيا بقيمة 40 مليار دولار.

ووصل مجموع المساعدات العسكرية اللي قررها الكونكَرس لفائدة أوكرانيا ل54 مليار دولار من نهار بدا الهجوم الروسي فشهر فبراير اللي فات.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا