وكالات //
تباعت فمزاد علني فنيويورك الجاكيط اللي لبسو رائد الفضاء الميركاني “باز ألدرين” (Buzz Aldrin) فالرحلة ديالو للقمر فمهمة “أبولو 11” (Apollo 11) فشهر يوليوز 1969، (تباعت) ب2.7 مليون دولار.
دار المزادات “سوذبيز” (Sotheby’s)، عرضات الجاكيط البيض اللي فيها الدرابو ديال ميريكان وكلمة “NASA”، وسمية ألدين، اللي عمرو دبا 92 عام.
وقالت دار “سوذبيز” بللي المزايدة كانت بزاف على هاد الجاكيط، ودامت لمدة 10 الدقايق، وفاللخر خداها واحد شارك فالمزاد بالتيليفون.
باز ألدرين، هو آخر واحد باقي عايش من رواد الفضاء الثلاثة اللي شاركوا ف”أبولو 11″، وقال بللي عرض بحال هاد الممتلكات فمزادات علنية هو مشاركتو مع العالم.
