محمد سقراط كود///
اليوم نشدو شوية فحزب العدالة والتنمية، واخا ماشي هو اللي عطى معنى جنسي “ديالي اكبر من ديالكم” بل حزب الاصالة والمعاصرة من خلال رئيسة فريقه ميلودة حازب٬ ولكن سقراط شاد فيهم. وسعو قشابتكم
كولشي عارف أن المخزن كلشي عندو طويل وواصل وقريب وحاضر، وهو كولشي، ولكن راه حتى ديال العدالة والتنمية كبير، راه كبير كبر من لخريين كما قال بنكيران. كنهدرو على الحزب ماشي على شي حاجة اخرى.
ولكن حتا حزبنا العتيد الحديث حتى حتى وبحكم أنكم جربتوه هاد السنوات فراه عرفتو قياسو وحدودو مزيان وكيما كيقولو لمغاربة لي تعرفو وتولفو حسن ملي متعرفوش، لذا بتصويتكم على العدالة والتنمية أنتم تصوتون على قياسكم على حجمكم.
لقد اخترنا لكم مرشحنا جوني بن سينز ، لأنه الأقرب اليكم والأكثر مشاهدة من طرفكم، الفتموه وحفضتموه وحتى الى معرفتوهش سولوا عليه ولادكم، مرشح بإمكانات خارقة ، وثقافة وأخلاق عالية ومهنية فالتحكم والتسيير، حاصل على دكتوراه فمادة العلوم الطبيعية من جامعة برازرس للشريعة والعلوم، وأستاذ محاضر فالإعجاز السياسي للقناديل المضيئة.
