كود- عن لوبورسيي//

تشرات 3 تدوينات ديال الرئيس الأمريكي السابق، دونالد ترامب، المتعلقة بالاعتراف الأمريكي لمغربية الصحراء، من قبل مشتري مجهول داير اسم NioBig، بقيمة 40 إثر، أي تقريبات 90 ألف دولار أمريكي.

شراء هذ التدوينات تم بتقنية NFT على منصة OpenSea، اللي كتعرض معلومات وعناصر للبيع مقابل عملات إلكترونية.

فالتعليق ديالو فمكان الوصف على المنصة، قال اللي شرى التدوينات أن “قرار ميريمان بالاعتراف بسيادة المغرب على الصحراء ديالو هو بمثابة تغيير فاللعبة فهذا الصراع المستمر منذ عقود… والمغاربة كلهم فرحانين بهذ القرار.. خليونا نصنعو التاريخ”.

وكانت تدوينات للرئيس الأمريكي السابق دونالد ترامب تأرشفات، وتخدات مقتطفات منها باش التباع  بتقنية التشفير NFT،  اللي صبحات شائعة دابا عند هواة الاحتفاظ بالمعلومات والعناصر الرقمية، واخا مازال لكن مازال مامعروفاش بزاف فالمغرب.

لكن مؤخرا، قرر موقع Drumpfs.io إنشاء NFTs اللي كتتعرف بالعربية باسم “الرمز غير المثلي”، ديال سكرينات لكَاع التغريدات ديالود اللي ماكيمكنش تعقبها دابا، وولات دابا قابلة للشراء. بالعملات الإلكترونية.

وهذ التقنية كتعطيك الحق تصبح مالك لهذ التدونينات أو الصور أو الفيديوهات أو الأغاني، بهوية NFT.

وفيناير لي فات، الكونط دترامب فتويتر تسيبريما بشكل دائم، من بعد ما دار تدوينات كتحرض على العنف فاشتباكات فالكابيتول هيل، ومن بعد تعليق الحساب ديالو، تحذقات كَاع التدوينات اللي كان حاط، لكن دابا ولات معروضة للبيع.

https://www.leboursier.ma/Des-captures-de-tweets-de-Trump-sur-le-Sahara-vendus-a-pres-de-90.000-dollars-9878.html