كريم الصوفي – كود//
[email protected]
ذكرات تقارير اخبارية، أن البوليس الاسباني شدو رجل اعمال مغربي بسباب استغلال حراگة خدامين عندو ف مصنع لإعادة تدوير الحوايج. هاذ الحراگة من المغرب وكان كيخدمهم السيمانة كاملة ب 150 يورو بلا كونطرا أو تأمين وعايشين داخل المعمل ف ظروف لا إنسانية.
المتهم كان ديما كيقدم وعود ليهم بتحسين الوضعية وتحرير عقود عمل لفائدتهم وفي الاخير واحد من الضحايا طلع ليه الدم ومشا ديكلارا بيه للبوليس، بعد فراره من المعمل وتلقيه تهديدات بإبلاغ السلطات بوضعيته غير القانونية فوق التراب الاسباني باش يترحل للمغرب.
