كود مكتب الرباط////

العنصرية كيساهم فيها الاعلام بشكل كبير. دابا فطنجة احتج مجموعة من ساكنة حي العرفان ببوخالف ضد ما سموه “التصرفات اللا قانونية لبعض المهاجرين غير الشرعيين من دول إفريقيا جنوب الصحراء القاطنين بالحي”، اش نا هي هاد التصرفات؟ كالو ليك “اقتحام واحتلال شقق وممتلكات الغير بدون سند قانوني”.

دابا هاد الشي ماشي حكر على المهاجرين كلشي يقدر يديرو وفبلاد الحق والقانون كاين مسطرة اللي تحسم هاد الشي وهي القضاء وكاين تنفيذ هاديك الاحكام.

الخطير ان هاد القصاصة نشراتها وكالة المغرب العربي للانباء ويمكن تاخد تفسيرات كبيرة واخا الوكالة دير خدمتها بتغطية ما يقع في المغرب. هاد الموضوع حساس والافارقة كيعانيو من العنصرية فالمغرب وباراكا من تشعال العافية راها غادية تحرق بزافت الناس