كود سبور//

بدا المنتخب الوطني المغربي المعسكر ديالو استعدادا لمواجهة منتخبي أنگولا وموريتانيا وديا، وهذا الشي يوم 22 و 26 مارس فمدينة اكادير.

وتحت اشراف الناخب الوطني وليد الركراكي، دار المنتخب المغربي اول حصة تدريبية له فهاد المعسكر بمركز محمد السادس فالمعمورة، وعرفت الحصة مشاركة اغلب اللاعبين اللي عيط لهم الركراكي، وعلى راسهم ابراهيم دياز.

الحصة التدريبية كان فيها أشرف حكيمي، الياس بنصغير، يوسف لخديم، سفيان رحيمي، وإلياس اخوماش ولاعبين اخرين، وركز فيها الناخب الوطني على الجانب البدني باش يحيد لعيا ديال الماتشات اللي لعبو اللاعبين مع فرقهم والسفر.

ومن المنتظر يوصل على المنتخب المغربي اليوم الثلاثاء لاعبين اخرين بحال حكيم زياش ونايف أكرد اللي بقاو معطلين بسبب التزاماتهم مع فرقهم.