الرئيسية > آش واقع > بلوكاج فالبرلمان..المالكي اشتارط يدخلو 30 برلماني فقط من البيجيدي باش تبدا جلسة التصويت على القوانين الانتخابية
05/03/2021 17:00 آش واقع

بلوكاج فالبرلمان..المالكي اشتارط يدخلو 30 برلماني فقط من البيجيدي باش تبدا جلسة التصويت على القوانين الانتخابية

بلوكاج فالبرلمان..المالكي اشتارط يدخلو 30 برلماني فقط من البيجيدي باش تبدا جلسة التصويت على القوانين الانتخابية

كود الرباط //

علمت “كَود” أن فريق ال”بي جي دي” داير بلوكاج لجلسة التصويت على القوانين الانتخابية بمجلس النواب.

الحبيب المالكي، رئيس مجلس النواب رفض حضور 120 برلماني من حزب العدالة و التنمية، واشترط بدء جلسة التصويت بحضور فقط 30 نائب من البي جي دي.

يشار الى ان ال”بي جي دي” دار انزال اليوم فالجلسة العامة اللي مخصصة للتصويت على القوانين الانتخابية بما فيها القاسم الانتخابي على اساس المسجلين، بحيث حضرو  120 برلماني من هاد الحزب، في الوقت اللي الاجراءات الاحترازية فرضات حضور فقط ممثلين عن كل فريق.

حسابيا البي جي دي يقدر يربح المعركة ويسقط القاسم الانتخابي على أساس المسجلين.

هاد الحزب طلع البارا ودار عصيان على قانون الطوارئ الصحية بإنزال 120 برلماني.

لحدود الساعة مكاينش البث المباشر والصحافة تمنعات من الحضور.

معطيات “كَود” تفيد بأن الامانة العامة لحزب العدالة والتنمية، قررت دير التصعيد  بخصوص الموقف النهائي من فقدان رئيس الحكومة للإغلبية، بعدما صوتت الاخيرة مع المعارضة على تعديل يقضي باحتساب القاسم الانتخابي على اساس المسجلين.

وعلق قيادي في البيجيدي ان الفريق لم يخرق اي تدابير وان كل اعضائه ملتزمون بالإجراءات الوقائية من كمامات ومعقمات، مؤكدا ان السؤال المطروح اليوم بمناسبة اعتماد القاسم الانتخابي بناء على عدد المسجلين، هو خرق الدستور وليس خرق التدابير الاحترازية.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو