عفراء علوي محمدي- كود//
علنات المندوبية السامية للتخطيط أنها غتستمر فالتحقيقات والإحصاءات اللي كتدير عن بعد، وتتجنب الاتصال المباشر بممثلي الشركات والمقاولات، امتثالا للإجراءات اللي اتخدها المغرب لمواجهة وباء فيروس كورونا المستجد.
المندوبية كشفات، فبلاغ ليها اليوم الاثنين، أنها بصدد إعداد تحقيقات بشأن النصف الثاني من سنة 2020، وهذشي علاش غتزود الشركات باستبيانات خاص تعمرها وتسيفط ليها الأجوبة ديالها إما على الفاكس أو على البريد الإلكتروني.
المندوبية وضعات رهم إشارة المقاولات والشركات، رقم الفاكس 05-37-77-32-17، ولادريس إيمايل [email protected]، باش تتواصل معاها، باش يجاوبو على الأسئلة اللي كترسل ليهم المندوبية كل ثلث شهور، ويختارو الاجوبة اللي كتناسبهم، قبل اللخر ديال شهر ماي.
