وكالات //

تباعو طابلوات ومنحوتات لبزاف الفنانين المشهورين بحال آندي وارهول وجاكسون بولوك في مزاد بنيويورك في إطار إجراءات ديال قضية الطلاق.

القطع اللي عددها 35، هي مملوكة لقطب العقارات هاري ماكلو ومراتو السابقة ليندا، والمحكمة طلبات من الكوبل يبيعو هاد  الكوليكسيون  ويقسمو الرباح خلال محاكمة الطلاق في 2018.

ومن بين البياسات المعروضة للبيع طابلو “رقم 7” اللي رسمها مارك روثكو، وتباعت بمبلغ 82.5 مليون دولار، وهو ثاني أعلى ثمن لعمل لروثكو. والشخص اللي شرا الطابلو بغا الهوية ديالو تبقا مجهولة.

ووصلات الحصيصة باش تباعت الكوليكسيون كلها لأكثر من 676 مليون دولار، وذلك في مزاد أقيم يوم الإثنين.

ومن المقرر طرح 35 قطعة فنية أخرى في مزاد العام المقبل.