06/05/2024 10:00
شباط ومراتو فاطمة طارق وسناء الجوهري وسارة خضار اللي عليها أمر دولي بإلقاء القبض غادي يتم إقالتهم غدا من جماعة فاس
كود كازا ///
قدم أمس الثلاثاء مركز التنمية زاكورة ديال نور الدين عيوش بكازا أول قاموس ديال الدارجة المغربية.
القاموس كايشرح الكلمات ديال الدارجة المغربية بالدارجة و باش يخرج للوجود استغرق واحد 4 سنين ديال الخدمة من طرف مجموعة ديال الأخصائيين فاللسانيات و السوسيولوجيا .
الدارجة لي عتامدها القاموس هي الدارجة ديال جهتي الدار البيضاء و الرباط القنيطرة و لي الساكنة ديالها كاتمثل الثلت ديال الساكنة ديال المغرب و لي الدارجة ديالها مفهومة من طرف المغاربة كاملين حيت هي الدارجة ديال وسائل الإعلام و الأفلام و المسلسلات…
خطوة كبيرة و مهمة فإطار النهوض بالدارجة المغربية لي هي اللغة الأم ديال نسبة كبيرة ديال المغاربة و لي للأسف ماكايتعطاهاش إعتبار واخا دابا كانشوفو مقالات صحفية بيها و ولات كاتلقا شوية بشوية بلاصتها فالمشهد الصحفي …
و لكن مازال خاص الخدمة حيت بزاف ديال الناس المؤدلجين كايعتابرو الدارجة لغة الزنقة و كايحتاقروها ! و بزاف ديال الناس كايعتابروها حرب على اللغة العربية.
و لكن الدارجة ديال المغاربة كاملين ! واش ماشي من حقنا نديوها فيها و نرضو ليها الاعتبار؟
