كود الرباط ////

الياس العماري رئيس جهة طنجة تطوان والامين العام المستقيل للاصالة والمعاصرة شد فالتجمع الوطني للاحرار. فقد دقائق نشر تدوينة على صفحته الشخصية على الفايسبوك دار نغزة كلها معاني لحزب عصمان. الياس كتب على الدخول المدرسي وعلى اول مرة مشى للحسيمة حقاش قالو ليه غادي يزورها الملك. كان هاد الشى ف1997. طبعا مشى وحكى تفاصيل كثيرة لكن المهم فيها انه لٍقى احمد عصمان الوزير الاول اللي جا ماشي الملك٬ ومجيئو كان حزبي.

الياس العماري ربط هاد الشي بالجامعة الصيفية لشباب الاحرار وقال “تذكرت الواقعة، وكنت أتمنى أن تذكر خطابات قيادات الحزب الشباب بتاريخ زعيمهم أحمد عصمان. ومن بين محطات هذا التاريخ لحظة سفره للحسيمة صيف 1979. حيث لم تكن زيارته بصفته الحكومية، وإنما للترويج لحزبه الذي كان قد شكل حديثا في أكتوبر 1978 ”

الحسيمة الاحرار وعصمان والتاريخ والحاضر هاد الشي للي بغى الياس يقصدو واخا كل مرة كيقول هادي تدوينات شخصية. واش هاد الشي عندو علاقة بنجاح النشاط فمراكش ولا شي حرب داخلية