الرئيسية > آراء > المهدي بنسعيد راك وزير وخاص تسمع أكثر ما تدوي وتكون عارف الفرق بين مجلس وزاري ومجلس حكومي
25/11/2021 13:00 آراء

المهدي بنسعيد راك وزير وخاص تسمع أكثر ما تدوي وتكون عارف الفرق بين مجلس وزاري ومجلس حكومي

المهدي بنسعيد راك وزير وخاص تسمع أكثر ما تدوي وتكون عارف الفرق بين مجلس وزاري ومجلس حكومي

كريم الصوفي – كود //

هاد الصباح كان محمد المهدي بنسعيد، وزير الشباب والثقافة والتواصل، ضيف عند “مومو” في إذاعة “هيت راديو”، باش يدير السيراج للمنصب ديالو، ودار زلكَة يغرق فيها فيل ملي ما فرقش بين مجلس وزاري ومجلس حكومي.

“مومو” اللي كان كيردد أن بنسعيد عندو مجلس وزاري هاد الصباح، لقا تجاوب مع عند الوزير، اللي قال ليه وي بصح، وما صححش المعلومة اللي ترددات مرة وزوج وثلاثة.

الصحافية لمياء بحر الدين تدخلات مرة أولى وقالت ليهم راه مجلس حكومي وما سمعها حد، ودازو دقائق ورجعو تاني لمجلس وزاري اليوم وتدخلات عاوتاني باش على الله يهيد الله الوزير ويعيق، ساعة والو.

الوزير اللي ما يصححش بحال هاد الأخطاء وباغي غير يدوي في الميكرو بلا ما يسمع ممكن أي واحد يزلكَو شي زلكَا خايبة ويوليو تاني في الأزمة والحيحة والشوهة فـ “فايسبوك” وغيرو.

ومن غير هادشي ناض بنسعيد قال ليهم أنا علاقتي مع كل الوزارات لأني وزير الشباب، أييه الناس يخدمو ويديرو برامج وجي أنت قول ليهم صبعي تما.. وكيف كيقول المثل المغربي: خدم يا التاعس من سعد الناعس.

موضوعات أخرى

07/05/2024 10:44

القضاء بمراكش حكم على ضابط ديال البوليس بـ5 سنين دالحبس فقضية وفاة ياسين الشبلي بمفوضية الشرطة بنجرير

07/05/2024 10:30

اللي بغا الرضا ديال الجنرالات يجبد الصحرا.. بوق العسكر بن قرينة تا هو كيهضر فالصحرا مع سفيرة بريطانيا فالدزاير وها شنو كال

07/05/2024 10:29

شبهة تزوير محاضر وتبديد فلوس عمومية قالب جماعة “غياثة الغربية”: الوكيل العام ففاس كيدرس شكاية جديدة طاحت عندو

07/05/2024 10:27

إحالة الرئيس السابق لجماعة “آيت بن يعقوب” على قاضي التحقيق ففاس مع عدد من المسؤولين وها شنو دار معاهوم

07/05/2024 09:30

الجيش الإسرائيلي علن سيطارتو على الجانب الفلسطيني من معبر رفح.. ورفع الراية ديال بلادو