03/05/2024 11:38
كازا كلشي فيها كازاوي. العمدة الرميلي: 65 فالمائة من بيضاوا كيتنقلو على رجليهم فمدينة سكانها 4 مليون ويدخل ليها ويخرج منها 12 مليون وهدفنا نقل 2 مليون فالنقل العمومي
كود الرباط ///
اش كيدير وزيرا الخارجية والتعاون ناصر بوريطة مع وزير المالية والاقتصاد محمد بوسعيد فهاد الوقت فالخليج. بجوجهم بداو البارح جولة من السعودية. تلاقاو ملكها ووزير خارجيتها. من بعد يكونو اليوم فالكويت يشوفو اميرها. طبعا وزير خارجية مع المالية فالخليج وعندهم رسالة من الملك محمد السادس لملوك وامراء هاد الدول الفيلم باين وكيتعاود بزافت المرات. الحبة. المغرب خرينتو ما فيها فلوس. مشاو يديرو الصينية فهاد البلدان.
لكن علاش ماشي قطر والامارات. البحرين هي كيدير الصينية ما عندها فلوس. قطر والامارات حقاش هاد الشي ساهل يقدر يكون اتصال مباشر من الفوق وثانيا الملك محمد السادس كان تماك هادي مدة فهاد الدولتين.
باش تشوفو البارح بوسعيد حادر الراس وحاس بالحكرة كيبان باللي القضية فيها الصينية
