كود سبور//

طالب المدعي العام فالصبليون بالحبس للويس روبياليس رئيس الاتحاد الإسباني لكرة القدم، بسبب تهمة الاعتداء الجنسي بعد التحقيقات اللي تفتحت فقضية “البوسة صحة” لجيني هيرموسو لاعبة المنتخب الإسباني النسوي فالفينال ديال مونديال السيادات 2023، وحتى خورخي فيلدا مدرب المنتخب المغربي النسوي طالب بالحبس ديالو.

وحسب جريدة “ماركا” الإسبانية، فالمدعي العام طالب بالحكم بالحبس لمدة عامين ونص على الرئيس السابق للاتحاد الأسباني لويس روبياليس بتهمة ارتكاب جرائم الاعتداء الجنسي والإكراه فحالة “البوسة صحة” اللي دار للاعبة المنتخب الإسباني النسوي جيني هيرموسو.

وحسب نفس المصدر، فالمدعي العام طالب بالحبس حتى لخورخي فيلدا المدرب الحالي للمنتخب المغربي للنسوي، لمدة عام ونص، بسبب جريمة الإكراه، وهذا الشي ملي كان مع المنتخب الإسباني النسوي، وكانت شداتو الكاميرا فالفينال وهو حاط يدو على صدر المساعدة ديالو فالطاقم التقني بطريقة ماشي عادية.

https://www.marca.com/futbol/federacion-espanola-futbol/2024/03/27/660425d546163fdc938b4576.html?fbclid=IwAR01Ms2BstPBCwgjUd85JR7JLzpxhfFMaC2acnqkjbOsaeKmq7jYRQkgfYE_aem_AWoWWGpotHP6bxzs4mwim-MUS-sIm2vi_YkKn0jZa5DkWmL5pELKtgKPxMe8nf20Bd8?utm_campaign=facebook?utm_campaign=facebook