كود – وكالات //

قال الناطق بإسم وزارة الدفاع الروسية، إيكَور كوناشينكوف، بللي القوات الروسية طيحات مقاتلتين أوكرانيتين فمنطقة “دنيبرو” شرق أوكرانيا، فالوقت اللي جدد فيه الرئيس الأوكراني فولوديمير زيلينسكي دعوته للاتحاد الأوروبي إلى تسريع وتيرة منح بلاده صفة مرشح للإنضمام لهاد التكتل القاري.

وفجنوب البلاد، قالت القوات المسلحة الأوكرانية، فوقت سابق، إنها نفذات هجوم مضاد، قالت بللي ناجح، على بعض المواقع اللي كيسيطر عليها الجيش الروسي فمنطقة خيرسون (جنوب البلاد). وأضافت القوات الأوكرانية أنه نتيجة لهاد الهجوم المضاد خسر الجيش الروسي طرف من الأراضي اللي كان شادها قبل زيد عليها خسائر فالأرواح والماتريال.

وقال وزير الدفاع الأوكراني أوليكسي ريزنيكوف بللي بلادو كتخسر كل يوم 100 قتيل و500 جريح فصفوف الميليتير.