كود الرباط //

عاينت “گود” قبل قليل، شطط من نوع آخر في استعمال السلطة فتطبيق قانون الطوارئ الصحية، بحيث جاو المحازنية لواحد كافي محترم التباعد وقالو ليه سد حيث داير ماتش تونس ضد نجيريا، مع العلم نفس الكافي كان داير ماتش بوركينافصو والغابون.

“گود” دارت جولة فشارع عبد الكريم الخطابي، لي دارت فيه السلطة المحلية مراقبة المقاهي ومدى احترامها للشروط الاحترازية، غير هو لي شفنا ان البيران عامرين بلا تباعد ودايرين الماتش.

السلطة المحلية كادير شي قرارات كتزيد تقتل صحاب المقاهي وتقتل النشاط الاقتصادي. وفين كاين حياد السلطة بخصوص شي كايدير الماتش وشي لا.
دبا هادشي واش فراس الوالي اليعقوبي ولا لا.