كود سبور//
ما قدرش المنتخب الوطني المغربي يربح منتخب موريتانيا فالماتش الودي اللي لعبو اليوم الثلاثاء فتيران اكادير، وهو ثاني وآخر ماتش ودي للمنتخب المغربي فالتوقف الدولي.
وعجز المنتخب المغربي المدجج بالنجوم وكيتقدمهم نجم ريال مدريد إبراهيم دياز ونجم باريس سان جرمان اشرف حكيمي ونجم حكيم زياش نجم گلطة سراي ونجوم فرق أوروبية اخرى فتحقيق الرباح، والناخب الوطني وليد الركراكي ما قدرش يلقى الحلول قدام النهج التكتيكي ديال أمير عبدو مدرب موريتانيا وسالا الماتش بالتعادل السلبي زيرو لزيرو.
وكان المنتخب المغربي ربح منتخب أنگولا فالماتش الودي الاول، قبل ما يتعادل مع موريتانيا فالماتش الودي الثاني، وهذا آخر ظهور ديال الأسود قبل اقصائيات مونديال 2026 فشهر يونيو الجاي.
