كود كازا ///
قرر فريق الرجاء أنه اطبع 18 الف تذكرة للماتش ديالهم مع أولمبيك دشيرة ديال سدس عشر كأش العرش.
حسبان طامع فالجمهور احضر للماتش باش اشوف الرجاء في الحلة الجديدة أمام دشيرة في ملعب مركب محمد الخامس.
حسبان قاليهم طبعو 12 الف تذكرة للمدرجات كرياج و6000 مدرجات مغطات، وخا عارف أن الجمهور اقدر ميجيش مع العطلة والصيف والمقاطعة ديال بعض الجماهير لمباغينش الأزمة ديال الرجاء تحل في عهد حسبان، وحالفين اجريو على حسبان من الرجاء.
المباراة مع دشيرة غادي تلعب الذهاب في سطاد دونور والاياب في أكادير ومفروض على الرجاء اربح باش اتأهل ، أما الى انهزم فغادي تنوض حيحة كبيرة في الرجاء.
